2010ean sortutako esplotazio agroekologiko familiarra gara. Zamudion gaude, Sandoni auzoan, Donejakue bidearen alboan. Berrogei bat espezieko fruta‑arbolak landatu ditugu eta barazki, usain‑belar eta lore jangarri ugari lantzen dugu, kanpoan zein negutegian.

Kategoria goreneko mermelada, chutneyak, saltsak, kremak eta bestelako kontserbak egiten ditugu geure lehengaia erabiliz. Testura eta kontrasteekin jolasten dugu zapore karta zabal eta anitza eskaintzeko, barietate bakarreko mermeladetatik ukitu exotikodun nahasteetaraino.

Gure produktu guztiek ekoizpen ekologikoaren agiria daukate, ENEEK‑ek igorria (1641 zkia.).